Ordutegia: 9:00 -14:00.
Sarrera doan.
Azokak hurrengo egunetan eta lekuetan egingo dira:
- DONOSTIAN, Ignacio Mª Barriola Zentroan (Gelategia), 2016ko urtarrilak 23: informazio saioaketa standen kokapena.
- GASTEIZEN, Farmazia Fakultatean, 2016ko urtarrilak 30: informazio saioak eta standen kokapena.
- BILBON, Ekonomia eta Enpresa Fakultatean (Sarriko), 2016ko otsailak 6: informazio saioak eta standen kokapena.
Ikasleentzako Argibide Zerbitzuak UPV/EHUko graduei buruzko informazio zehatza emateko Azokak antolatzen ditu, unibertsitate-aurreko ikasleen zalantza guztiak argitu eta ikasketen aukeraketa errazteko helburuarekin. Zalantzak banan-banan zein taldeko informazio-saioen bidez argitu ahalko dira.
UPV/EHUko unibertsitate-ikastegi guztietako zenbait irakaslek eta Ikasleeentzako Argibide Zerbitzuak azoketan parte hartuko dute hiru larunbatetan; egun bakoitzean Campus batean, hain zuzen ere. Hortaz, azoka bakoitzean UPV/EHUko hiru campusetan ematen diren gradu guztiei buruzko informazioa eskeiniko da.
Aurten Azokak Ezaguera-adarren arabera antolatuko dira:
- Arteak eta Giza Zientziak: Ikastegiak eta Graduak ikusi
- Zientziak: Ikastegiak eta Graduak ikusi
- Osasun Zientziak: Ikastegiak eta Graduak ikusi
- Gizarte eta Lege Zientziak: Ikastegiak eta Graduak ikusi
- Ingeniaritza eta Arkitektura: ikastegiak eta Graduak ikusi
Unibertsitatera sartzeko bideei, tasei, bekei, ostatuari, garraioari, kirol jarduerei, mugikortasun programei, graduondokoei eta abarrei buruzko informazioa ere lortu daiteke.
Horretaz gain, Azoka egunean bertan informazio-saio ezberdinak eskaintzen dira ondoko ikasgeletan.
Nahi izanez gero, Orientaziorako Azoka egunean bertan, Campus bakoitzeko unibertsitate-egoitza bisitatzeko aukera izango duzu. Izena eman esteka honetan: http://resaresidencias.es/paisvasco
