Inauteri garaiko opor egunak aprobetxatuz, Alkizako neska-mutilek Koldobika Jauregik eta Elena Cajaravillek zuzentzen duten museoan goiza pasatzeko aukera izango dute.
Paper-landareen baratzera bisita egin eta landare-zuntzarekin eta paper birziklatuarekin papera nola egiten den ikasteko aukera izango dute. Irudimena landuz, paperaren historia ezagutu eta testura eta kolore ezberdinekin esperimentatzeko aukera bikaina izango dute Alkizako haurrek.
Lantegian osasun eta higiene neurriak bete beharko dira eta ezinbestekoa da aurretik izena ematea.
Eman izena tokirik gabe geratu aurretik!
Noiz: otsailak 15, astelehena.
Ordua: 11.00etatik 13:00etara.
Norentzako: 7 urtetik gorako alkizarrentzako.
Prezioa: 3 €. Dirua bertan jasoko da.
