Azokaren X. edizioaren helburua da ikastetxeekin harremanetan, irakasleen, gurasoen eta beraien etorkizun profesionalari buruzko erabakiak hartu behar dituzten ikasleen zalantzak argitzea.

• Zer ikasketa egingo dut? Erdi/goi mailako ziklo bat, edo unibertsitatera joango naiz?
• Izango al du irteerarik karrera honek?
• Egingo al dut praktikarik lan-mundura iritsi aurretik?
• Izango al dut atzerrira joateko aukerarik?

Zaila izaten da Bigarren Hezkuntza edo Batxilergoa amaitu ondoren zer ikasketa egin aukeratzea; Gelak gazteen beharretara ondoen egokitzen den prestakuntza deskubritzen lagundu nahi du.

GELA hezkuntza azoka bai planifikatutako bisitaldietan ikasleekin joango diren ikastetxeei bai banaka joan nahi duten bisitarei irekita dago. 2026ko edizioan egongo diren prestakuntza- ibilbideen aukera zabala ezagutzeko aukera izango dute. Sarrera doan.

• Errepublika, gerra eta erresistentzia frankistako gure emakumeak. Ibilbide baten bidez, Tolosan azken urteetan egindako ikerketen emaitzak eta bizipenak espazioan kokatuko dira. Bigarren Errepublikan protagonismoa izan, eta haren osteko 1936ko gerran eta diktadura frankistan frankisten errepresioa jasan zuten emakumeen eta disidentzia sexu-generikoen berri emango da.

• Emakumeak mugimenduan: Udaleko Kirol Saila elkarlanean, korrika egiteko, eta mugikortasun zein luzaketak lantzeko (yoga eta pilatesen nahasketa) saioak egingo dira, baita lesioak prebenitzeko saioak ere.

• Gailurrak elkarrekin: Talde-giroan egiteko hiru mendi txango antolatu dira: Kutxidazu Bidea ixabel bidea, Hernio mendia eta Zumaia-Deba ibilbidea egingo dira.

• DJ ikastaroa 2.0.: DJ set bat sortzeko oinarrizko urratsak eman ez ezik, musika-gustuekiko konfiantza eta partekatzeko gogoa sustatzeko eta horiek plazaratzeko tresnak eta trebetasunak landuko dira ikastaroan.

• (Des)generando, Más allá de los roles de género: Generoaren, bere arauen eta egunerokotasunean duten adierazpenaren inguruan hausnartzeko tailerra da, jolasa, sormena eta arteterapia uztartuz.

• Ziklikoak gara, ugalkortasun-aldia: Heldutasun-garaiari helduko zaio ikastaroan. Ziklikotasunera hurbildu, eta izan ditzakeen ondorio fisikoak, emozionalak eta sozialak ezagutzea, presio soziala ikuspegi anitzetik ezagutzea, norbere biografia osatzea eta gorputzarekin bat egitea dira, besteak beste, jorratuko diren gaiak.

• Vínculos afectivos y de buen trato: Maitasunari, maitatzen irakasten diguten moduari eta horrek guztiak gure bizitzan dituen ondorioei buruz hausnartuko da. Sinesmenak, mitoak eta aginduak aztertuko dira, berdintasunik gabe eta modu osasungarrian maitatzen irakasten digutenak.

• Hil arte bizi II: Heriotzaren aurrean ahalduntzea dute helburu. Bigarren zati honetan Aurretiazko Borondateen Dokumentuari erreparatuko zaio, baina horretara mugatu gabe. Osasun sistemaren barruan ditugun eskubideei buruz informatuko da, eta bakoitzak dituen lehentasunak eta har daitezkeen erabakiak argituko dira, bakarkako eta taldekako ariketen bidez.

• Andragoran dantzan: Pasodoble, bals, fox, fandango eta arin-arinak… Ikastaro honetan, oinarrizko urratsetatik abiatuz, modu errazean eta naturalean dantza eginez, erritmo desberdinak praktikan jarriko dira.

• Taller de fontanería básica y herramientas de jardín: Oinarrizko iturgintzako nozio erabilgarriak irakatsiko dira, etxeko ur instalazioetako arazo txikiak konpontzeko, adibidez: pilaketak, txorrota edo sifoi bat aldatzea, etab. Lorategiko makineria modu seguruan nola erabili irakatsiko da, hala nola, motozerra eta sasi-garbitzeko makinak.

• Afrosesion ikastaroa: oinarria Afrikan duten dantza estilo-eredu urbanoak ezagutzeko aukera izango da; besteak beste, ndomboloa eta afrobeata.

• Curso de costura 2.0.: Tailer honetan josten, konponketak egiten eta josteko makina erabiltzen ikasiko da. Joskintzaren munduan hobetu nahi duten eta joskintzaren oinarrizko ezagutza duten emakumeei zuzenduta dago.

• Twerk (booty dance): Utero eta aldaken mugimendu naturala, sentsualitatea eta norbere gorputzarekin jolastuz disfrutatzeko gaitasuna berreskuratzeko ikastaroa da, mugimendua osasun eta plazer iturri gisa bizitzeko.

• Sesión informativa sobre extranjería/nacionalidad: Oinarrizko informazio praktikoa emango da hainbat gairen inguruan: jatorri atzerritarra duten pertsonen eskubideak, bizileku-egoera eta baimenak, lan-baimenak, atzerritarren erregularizazioa...

• Formación para romper los estereotipos en torno a la mutilación genital femenina: Prestakuntza honek gaiari buruzko ideia faltsuak desmuntatzen lagunduko du, Euskal Herrian ere hainbat jatorritako neskei eta emakumeei eragiten dien mutilazio genitalaren identifikazio, prebentzio eta arreta egokia ematen dutenak, mutilazio hori desagerrarazten laguntzeko gai izango den herritartasuna sortzeko.

Jarraipena izango duten ikastaroak, hauek izango dira: Euskal emakume idazleen irakurketa feminista taldea, munduko emakumeen literatura taldea, batukada feminista, Txarangora, xilografia tailerra, ahalduntze-margoak, sormenezko argazkigintza feminista, eta maskulinitateen inguruko hausnarketa espazioa.

Gaztezuloren 10. urteurrena: argazki erakusketa eta bideo proiekzioa

“Mugak eta arauak haurraren garapenean: zein da horien zentzua?" 

Hitzaldian zehar, haurren garapenean muga eta arauek duten garrantziaz hausnartzeko aukera izango da, eta familiei egunerokoan lagungarri izan daitezkeen gakoak partekatuko dira. 

Era berean, HH2tik aurrerako haurrentzat zaintza zerbitzua eskainiko da, behar izanez gero.

12:00: Harrera eta ongi etorria

12:10: Hitzaldia: Sabin Azua (EUSMEX)

           “Ziurgabetasun garaian estrategiak sortuz”

13:00 Lehiberri Aitortzen banaketa.

13:15 : Ekitaldiaren itxiera eta mokadutxoa

MerkaLan enpresen, erakundeen eta herritarren arteko topagunea da, kalitatezko enplegua eta prestakuntza espezializatua sustatzeko. Urtero, hitzordu horrek ehunka parte-hartzaile biltzen ditu, eta funtsezko erakusleiho bihurtu da, non lan-eskaintzak, prestakuntza-kurtsoak eta orientazio profesionaleko zerbitzuak topatzeko aukera izango duzun.

Hori guztia hainbat jardueren bidez egingo da, eta horiek lagunduko dizute behar duzun lan-aukera aurkitzen edota zure ibilbide profesionala bultzatzen:

• Escape room dinamikak
• Ezagutu zure Ikigai
• Adimen artifiziala lan-orientazioan
• Laneko coaching-prozesua
• Diseinatu CVa Canvan
• LinkedIn: Gakoak eta aukerak
• Nola prestatu lan-elkarrizketa?
• SimSkills - Trebetasun bigunak
• Orientazio-gimnasioa
• Lan-aukerak Europan
• Atunontzietan lan egitea
• LANBIDE: Errazago, hurbilago
• Mahai-inguru profesionalak
• Talentua erakartzeko gamifikazioa
• Enpresentzako tailerrak

PREZIO PUBLIKOAK APLIKATZEKO ARAUAK:
1. Inskribatutako pertsonek lauhilekoaren amaierara arte jarraitu beharko dute.
2. Kobrantza helbideratu egingo da, interesdunak emandako kontuan.
- Lehen lauhilekoa: 2025eko abenduaren 1ean
— Bigarren lauhilekoa: 2026ko martxoaren 2an
3. Hobaria:
* Ikasle txartela: Tasaren %25
"Ikasle txartela" edo ikasle-izaera egiaztatzen duen ziurtagiria edukitzeagatiko hobaria, ikastaroetan izena emateko epearen azken egunean gehienez 24 urte dituzten ikasleei soilik aplikatuko zaie.
* Errentagatiko hobari orokorra: Hobaria kalkulatzeko, aurreko ekitaldiko errentaren likidazio-oinarriari buruz erantsitako taula hartuko da kontuan, eta bizikidetza-unitatea hartuko da kontuan kalkulua egiteko.

Hizkelan  X. edizioko jardunaldia:

• 2025eko urriaren 14a 
• Francisco de Vitoria BHII, Gasteiz
• 9:00-13:30 h

PROGRAMA

9:00 HARRERA – PHOTOCALLA

9:15 SARRERA

HIZKUNTZA ETA KULTUR ANIZTASUNA 18. GJH

EUSKARAREN ETA HIZKUNTZEN IKASKUNTZARAKO INSTITUTUA

ADIMEN ARTIFIZIALA, IRAKASLEON JARDUNA ABERASTEKO BIDE 

11:30 Atsedena

KOMUNIKAZIO IRISGARRIAREN GAKOAK

EUSKARAREN ALDEKO MOTIBAZIOA

LANBIDE HEZIKETA DUALA EUSKARAZ

13:00  HIZKELAN OROIGARRIA eta AGURRA

Izen-ematea eta informazio gehiago: 664 578 856 (WhatsApp bidez).

Lazkaoko Udalak 2025-2026 ikasturterako ikastaro-eskaintza zabala antolatu du, herritarren aisialdia eta prestakuntza sustatzeko helburuarekin. Eskaintzak kultura, artea eta ongizatea jorratzen ditu, adin eta interes ezberdinetara egokituta. Izen-emate epea irailaren 27ra egongo da zabalik, Udaleko Kultura Sailean (fisikoki Udalean, 943 08 80 80 / kultura@lazkao.eus).

Yoga ikastaroak astelehen, astearte, asteazken eta ostegunetan emango dira Kultur Etxean, 32,66 euroko hileko kuotarekin. Marrazketa klaseak Aresoko etxean izango dira, astelehenetik ostiralera arratsaldez, eta 29,5 euro balioko dute hilean. Aretoko dantzak Joxemiel Barandiaran kiroldegian egingo dira astelehen, asteazken eta ostiraletan, prezio berean. Robotika ikastaroak astearte, ostegun eta ostiraletan emango dira Kultur Etxean (40 €/hilean), eta josketa ikastaroa ostiraletan Orobionen eskainiko da hiru ordutegi desberdinetan, 37,93 euroko hileko kostuarekin.

Lazkaoko Udalak herritarrak animatu nahi ditu eskaintza honetan parte hartzera, ikasturte berrian ikasteko eta gozatzeko aukera gisa.

Zerbitzuak

• Aholkularitza juridikoa
   Asteazkenak, bi astetik behin. 16:00-20:00

• Aholkularitza psikologikoa
   Banakako zerbitzua, txandaka. Asteazkenak: 16:00-21:00. Ostegunak: 10:00-15:00.

• Ikasketak eta prestakuntza-ibilbideak homologatzeko aholkularitza
   Banakako aholkularitza. Hileko lehenengo asteartean. 16:00-20:00.

• Aholkularitza laborala, etxeko langile zein enplegatzaileentzat
   Astelehenak, bi astetik behin. 16:15-18:30

Euskara erritmo bizian leloa du aurtengo matrikulazio-kanpainak. Bi mezu helarazi nahi ditu leloak: batetik, euskara ikastea «prozesu bizia eta dinamikoa» dela, eta, bestetik, ikastea soilik ez, erabiltzea dela funtsa, euskarari bizia ematea.

• Zein da izena emateko epea? Irailaren 1etik 17ra arte dago matrikula zabalik.

• Nork eman dezake izena? 16 urtetik gorako herritarrentzat da euskaltegia. Tolosan erroldatuak bakarrik ez, edozein herritar izan daiteke Aitzol Udal Euskaltegiko ikasle. Zein ikasmailatan kokatu, sarrera-proba bat egiten dute ikasturte hasieran.

• Nola eman daiteke izena? Bi aukera daude: batetik, aurrez aurre, Aitzol Udal Euskaltegian, Gorosabel eraikineko hirugarren solairuan (Rondilla kalea, 34), idazkaritzako ordutegian (09:00-13:00 eta 16:00-19:30); bestetik, Internet bidez, Tolosako Udalaren egoitza elektronikoan. Euskaltegiarekin harremanetan jartzeko, bi bide hauek daude: aitzolue@tolosa.eus helbidea eta 943 65 10 06 telefonoa.

• Zein da prezioa, eta badago dirulaguntzarik? Ordu-kopuruaren araberakoa da ikastaroen prezioa. Tolosako Udalak ikastaroaren ehuneko bat ordaintzen die Tolosan erroldatutako ikasleei, dirulaguntzen bidez: A1, A2, B1 eta B2 mailetan, % 95; C1ean, % 75; eta C2an, % 50. Ehuneko horiek ikasturte hasieran aplikatzen dira, eta, beraz, ikasle tolosarrek soilik % 5 ordaintzen dute B2 mailara arte (C1koek, % 25; C2koek, % 50). Ikasturtea egoki betez gero, ez dute gehiago ordaindu beharrik; baldintzak bete ezean, falta den zatia kobratzen zaie. Tolosaldeko udal gehienek ere ematen dituzte dirulaguntzak, baita Eusko Jaurlaritzak ere.

Alde batetik, Hezkuntza Sailarekin sinatutako gomendioari esker, 2025-2026ko prestakuntza programazioa sail horren mendeko ikastetxe publikoen bidez egin ahal izango da. 14,6 milioi euroko zuzkidurarekin, prestakuntza hori langabezian dauden pertsonei —sarbidean lehentasuna izango dutenei— eta landunei zuzenduko zaie. Lan esperientziaren bidez edo bestelako bide ez-formalen bidez eskuratutako lanbide gaitasunak egiaztatzeko prozeduretan parte hartzen dutenentzako ekintza espezifikoak ere jasotzen ditu planak.

Bestalde, Lanbidek eta HABEk beste kudeaketa gomendio bat sinatu dute, euskarazko hizkuntza trebakuntzan oinarritua. 400.000 euroko finantzazioa izango du orotara, eta Lanbidek programatutako edo baimendutako prestakuntza ekintza kualifikatzaileetan parte hartzen duten edo parte hartu duten langabeei edo landunei zuzenduta egongo dira ikastaroak. Prestakuntza HABEren erregistroan inskribatutako euskaltegietan eta autoikaskuntzako zentroetan garatuko da, Europako Erreferentzi Marko Bateratuko A1 mailatik C1 mailara, aurrez aurreko eta teleprestakuntzako modalitateetan.

Helburua da Euskadin gero eta handiagoa den langile elebidun kualifikatuen eskaerari erantzutea eta herritarrei garapen profesionalerako aukera berriak eskaintzea, euskararen ezagutzarekin gaitasun teknikoak eskuratu, eta, hori lan merkatuan sartzeko balio erantsi izan dadin.

Ikastaroen eskaintzari buruzko informazio guztia Lanbideren webgunean egongo da eskuragarri. Bertan, interesdunek izena emateko baldintzak eta prozedurak kontsultatu ahal izango dituzte. Bi kudeaketa gomendio horiekin, Lanbidek berretsi egiten du enplegagarritasuna hobetzeko, bizialdi osoko prestakuntza sustatzeko eta euskararen normalizazioa sustatzeko konpromisoa.