Guztira 8.662 plaza

EHUk 108 gradu eskainiko ditu datorren ikasturtean, guztira 8.662 plaza, EHUra atxikitako hiru zentroetan barne: Gasteizko Erizaintza Eskola; IMHko Ingeniaritza Dualaren Unibertsitate Eskola eta Bilboko Merkataritza Ganberako Unibertsitate Eskola.

Katalogo osotik eskaera gehien jaso duten graduak Biomedical Engineering, osasun arloko graduak eta gradu bikoitzak dira.  Ingeniaritza adarrak ere eskari handia izaten du; hala ere, kasu horretan, sarrerako nota ez da hain altua izaten EHUk eskaintza zabala baitu hiru campusetan;  hala, ingeniaritzan eta arkitekturan, esaterako, 2.200 plazatik gora eskaintzen dira.

Matrikularen prozedura

Uztailen zehar egiten diren lehenengo hiru deialdietan Unibertsitatera Sartzeko Ebaluazioaren ohiko deialdia gainditu duten Batxilergoko ikasleak matrikulatzen dira, hala nola, Goi Mailako Heziketa Zikloetako ikasleak, 25 eta 45 urtetik gorakoak eta lan esperientzia dutenak eta tituludunak, besteak beste. Uztailaren 13tik 16ra luzatuko da lehenengo matrikularako epea eta gero, bigarren deialdian (uztailak 18) deitutakoak uztailaren 20an matrikulatuko dira, eta hirugarrenean (uztailak 22) deitutakoak, uztailaren 23an. Uztaileko azkeneko deialdian (laugarrena) USaPen ezohiko deialdia egin duten ikasleak ordenatuko dira; deialdi horretan onartutakoek irailaren 1ean egingo dute matrikula eta ondoren egingo dira azken bi ordenazio deialdiak, iraileko lehen hamabostaldian.

Onarpen eta matrikulari buruzko informazio gehiago: https://www.ehu.eus/eu/web/graduak/matrikula/ikasle-berriak  

Azokaren X. edizioaren helburua da ikastetxeekin harremanetan, irakasleen, gurasoen eta beraien etorkizun profesionalari buruzko erabakiak hartu behar dituzten ikasleen zalantzak argitzea.

• Zer ikasketa egingo dut? Erdi/goi mailako ziklo bat, edo unibertsitatera joango naiz?
• Izango al du irteerarik karrera honek?
• Egingo al dut praktikarik lan-mundura iritsi aurretik?
• Izango al dut atzerrira joateko aukerarik?

Zaila izaten da Bigarren Hezkuntza edo Batxilergoa amaitu ondoren zer ikasketa egin aukeratzea; Gelak gazteen beharretara ondoen egokitzen den prestakuntza deskubritzen lagundu nahi du.

GELA hezkuntza azoka bai planifikatutako bisitaldietan ikasleekin joango diren ikastetxeei bai banaka joan nahi duten bisitarei irekita dago. 2026ko edizioan egongo diren prestakuntza- ibilbideen aukera zabala ezagutzeko aukera izango dute. Sarrera doan.

Euskara erritmo bizian leloa du aurtengo matrikulazio-kanpainak. Bi mezu helarazi nahi ditu leloak: batetik, euskara ikastea «prozesu bizia eta dinamikoa» dela, eta, bestetik, ikastea soilik ez, erabiltzea dela funtsa, euskarari bizia ematea.

• Zein da izena emateko epea? Irailaren 1etik 17ra arte dago matrikula zabalik.

• Nork eman dezake izena? 16 urtetik gorako herritarrentzat da euskaltegia. Tolosan erroldatuak bakarrik ez, edozein herritar izan daiteke Aitzol Udal Euskaltegiko ikasle. Zein ikasmailatan kokatu, sarrera-proba bat egiten dute ikasturte hasieran.

• Nola eman daiteke izena? Bi aukera daude: batetik, aurrez aurre, Aitzol Udal Euskaltegian, Gorosabel eraikineko hirugarren solairuan (Rondilla kalea, 34), idazkaritzako ordutegian (09:00-13:00 eta 16:00-19:30); bestetik, Internet bidez, Tolosako Udalaren egoitza elektronikoan. Euskaltegiarekin harremanetan jartzeko, bi bide hauek daude: aitzolue@tolosa.eus helbidea eta 943 65 10 06 telefonoa.

• Zein da prezioa, eta badago dirulaguntzarik? Ordu-kopuruaren araberakoa da ikastaroen prezioa. Tolosako Udalak ikastaroaren ehuneko bat ordaintzen die Tolosan erroldatutako ikasleei, dirulaguntzen bidez: A1, A2, B1 eta B2 mailetan, % 95; C1ean, % 75; eta C2an, % 50. Ehuneko horiek ikasturte hasieran aplikatzen dira, eta, beraz, ikasle tolosarrek soilik % 5 ordaintzen dute B2 mailara arte (C1koek, % 25; C2koek, % 50). Ikasturtea egoki betez gero, ez dute gehiago ordaindu beharrik; baldintzak bete ezean, falta den zatia kobratzen zaie. Tolosaldeko udal gehienek ere ematen dituzte dirulaguntzak, baita Eusko Jaurlaritzak ere.