Uda Ikastaroaren helburu nagusia da Ipar Amerikako literaturak, kulturak eta arteek kulturartekotasunaren eta arraza aniztasun garaikidearen adierazpenaren adibide gisa duten garrantzia eta egokitasuna azaltzea, ikasgeletan modu didaktikoan aplikatzeko. Ikastaro hau 2021eko “Multiculturalidad, Literatura y Arte: Del Oeste Norteamericano a la aulas” ikastaroaren ostean planteatzen da. Edizio berri honen helburuak dira aurreko edizioan proposatutako edukiak, ikuspegiak eta materialak zabaltzea.

Hala, ikastaroaren hasieran “Mendebaldearen mitoak” arteetan kultura aniztasunaren eta aniztasun etnikoaren paradigma gisa izan duen adierazpena landuko da. Ondoren, saioak bi ardatz tematiko handiren inguruan garatuko dira.

Alde batetik, “Beste” etnizitate bat izateagatik Ipar Amerikako Mendebaldean “ez-pribilegiatuak” diren komunitateen “AHOTSAK” landuko dira. Txikanoen, afroamerikarren, amerikar indigenen, asiar-amerikarren eta euskal amerikarren komunitateen errealitate sozial eta historikoaren ikuspegi panoramikoa eskainiko da, baita horien ekoizpen literario eta artistikoarena ere.

Beste alde batetik, komunitate horiek beren desberdintasunak adierazi eta nabarmentzeko erabili dituzten “FORMAK” azalduko dira. Ildo horretan, Ameriketako Mendebaldetik eta Mendebaldeari buruz egindako ekoizpen artistikoa landuko dugu: literatura, zinema, komikia eta musika.

Oro har, arte eta kultura ekoizpenaren bidez Ipar Amerikako errealitate sozioetnikora hurbiltzea proposatzen da. Horrela, komunitate horien egoera sozial eta historikoari heldu nahi zaio, eta askotariko bibliografia proposatu nahi da, ikasgeletan erabil dadin gure egungo gizartearen kulturartekotasuna eta aniztasun etnikoa lantzeko.

Helburuak