Euskal Autonomia Erkidegoko (EAE) hezkuntza sistema momentu historiko baten aurrean dago, izan ere, hezkuntza lege berri baterako oinarriak adostu berri dira. Lan horrek espero den uzta eman dezan, gai ugariri buruz eztabaidatu beharko da sakonki, eta gai horietako bat irakasle kalitatea da.
Gaur egun inork ez du zalantzan jartzen gaia jorratzeko beharra, baina EAEn agerikoa da irakasle kalitatearen aldeko diskurtsoaren eta errealitatearen arteko aldea, besteak beste, azken urteotan ez delako kalitate hori indartzeko berrikuntza nabarmenik egin. Horiek horrela, zer egin behar dugu derrigorrezko euskal hezkuntza publikoan irakasle onenak izateko? Galdera horri erantzuna ematea da Uda Ikastaro honen asmoa. Horretarako, honako gai hauek landuko dira:
a) Egungo derrigorrezko euskal hezkuntza publikoko irakasle lanbidearen egoera
b) Irakasle kalitatearen nazioarteko ereduak
c) Irakasle lanbide garapenerako neurriak
d) Irakasleen hautaketa eta ebaluaziorako mekanismoak
e) Administrazio Publikoko beste eredu batzuk
Irakasle kalitateari buruzko nazioarteko ikuspegia duen ezagutza eguneratua eskuratzeko aukera da honako Uda Ikastaro hau, baina horretaz gain, premiazko eztabaidarako espazioa ere bada eta derrigorrezko euskal hezkuntza publikoko eragile guztiak bildu nahi ditu.
Irakasleen kalitatea bultzatzeko eta indartzeko, derrigorrezko euskal hezkuntza publikoaren erronkei buruzko gogoeta egitea, jakintza eguneratua eta nazioarteko ikuspegia oinarritzat hartuta.
Baldintzak: | |
---|---|
Hizkuntza: | Euskara - Gaztelera |
Hartzaileak: | Orokorra |
Modalitatea: | Presentziala / Autoprestakuntza / E-learning |
Ordutegia eta egunak: | Uztailak 5 eta 6 |
Herria: | Bilbao |
Iraupena: | Balio akademikoa 20 ordu |
Ziurtagiri edo titulua: | Bai |
Hasiera Data: | 2022-07-05 |
Bukaera Data: | 2022-07-06 |
Prezioa: | 80€ matrikula orokorra |
Diruz-laguntzen du(t)en entitatea(k): | Eusko Jaurlaritza |
Gaia: | Prestakuntza eta hezkuntza |
Izenemate bukaera: | 2022-7-1 |
Zentro antolatzailea: | Uda Ikastaroak EHU-UPV |
---|---|
Harremanetako pertsona: | |
Informazio gehiago: | 9432195 |
Zentroaren posta-e: | info@uik.eus |