Kontseiluaren eginkizun nagusiak Ekoizpen Ekologikoaren ezagutza zabaltzea eta nekazaritza eta elikadura ekologikoaren ekoizpena kontrolatu eta ziurtatzea da.
Kontseiluaren egoitza Amorebieta Etxanoko Jauregibarria baserrian dago kokatuta. Lehenengo solairuan bulego teknikoaz gain, Ekoizpen Ekologikoari buruzko erakusketa egonkorra dago. Informazio leku honetan Nekazaritza Ekologikoaren berezitasun nagusiak azaltzen dira.
Euskadiko Ekoizpen Ekologikoa gorantz doa etengabe eta momentuan 720 eragilek osatzen dute, hala ere, 2030erako EBk jarritako helburuak lortzeko, nekazal lurren %25 ekologikoak izatea, lan haundia dago aurretik.
Guzti honengatik, Kontseiluak garrantzitsutzat jotzen du ikasturte honetan kontsumitzaileak informatzeko ekintzekin jarraitzea.
Ekologikoa, Dena Hobetzeko egitarauak jarduera ireki batzuk proposatzen ditu, elikadura eta nekazaritza sektorearekin lotutako talde eta erakunde desberdinei zuzendutakoak, Euskadiko Ekoizpen Ekologikoaren eta elikagai ekologikoen ezagutza eta informazioa sustatzeko. Aldi berean, produktu horiek ekoizteko, transformatzeko eta lantzeko prozesuak bertatik bertara ezagutzeko aukera eskaintzen da.
Egitarauak aukera desberdinak ditu, horien artean: