Hiriak funtsezko eragileak dira klima-aldaketaren aurkako borrokan. Alde batetik, berotegi-efektua eragiten duten gasen emisioen %70 hiriguneetan sortzen da. Bestalde, horietan eta haien ingurunean kontzentratzen dira biztanleriaren eta azpiegituren zati handi bat, eta, beraz, bereziki zaurgarriak dira klima-aldaketaren eraginen aurrean. Gainera, klima-krisiak bat egiten du hiriek aurre egin behar dieten beste erronka garrantzitsu batzuekin, hala nola urbanizazio-prozesuak, desberdintasunak edo mugikortasuna handitzearekin.

Mintegi honetan, Iparraldeko eta Hego Globaleko hirietan esperientzia partekatuko duten bi ikerlariren ikuspegia izango dugu.