Emakumeak gara marimenditarrak. Berrogei urte beteak ditugu. Euskaldunak gara bihotzez eta mintzoz.
Kirola maite dugu, bereziki mendia, mendi zaleak gara hartara, eta gure atseginerako eta gu bezalako askorentzako akuilu gisa jardun nahi dugu.
Emakumea eta mendia hurbildu nahi ditugu, eta erakutsi ez dagoela mugarik norberaren garapen pertsonalean, norberak bere buruari jartzen dizkionetatik at.
Ezta aisia gozatzeko unean ere.
Gizonen eta emakumeen artean rolak banatzeko modu historikoak eragin du gizartearen hainbat arlotan aukera gutxiago izatea emakumeek, eta bizirik dirau arazoak gaur egun ere.
Emakumeen parte-hartzea zailtzen duten diskriminazioen —zuzenak nahiz zeharkakoak— berri ematen digute gizarte arloan eta baliabideen eskurapenean oraindik orain iraun egiten duten desorekek.
Emakumeentzako aukera gutxiago dago erabaki politikoak, finantzarioak, kulturalak, sozialak eta beste hainbat erabaki hartzeko orduan. Denek dakigun zerbait da hori.
Emakumea goi mendira hurbiltzeko eta berdintasunezko mezua zabaltzeko aukera baten bila gatoz berriz ere.
Elbrusera igota gauzatu nahi dugu aldarri hori .
Mendia lagun, denen arteko erantzukizuna bultzatu dezakegu, bereizketa guztiekin amaitzeko, gizarte osoan genero berdintasuneko kultura benetan gara dadin.
| Helbidea: | |
|---|---|
| Herria: | Villabona |
| Telefonoa: | |
| Fax: | |
| E-maila: | |
| Web orria: | http://www.marimendi.org |
| Harremanetarako pertsona: | |
| Irakaskuntza mota: | Presentziala / Autoprestakuntza / E-learning |
